KW Chin Christian Church

www.laimp4.com

1525


Mennonite Krifabu cu chaklei Europe ah tipil inthan a herh tiah a aupimi thenkhat cu Mennonite pawl chung in an si ve. An nih nih Krifa pi kha hramhram in krifa si ter kha a rak dohtu hna an si tiah theih an rak si. “pumpek hmaisuan riantuannak nih hin “zumtu dik kan sinak” a langtertu cu a si,” tiah an ti.


1550-1625


Zeiruang ah ka ti a si ahcun an nih hi vulei uknak he krifa uknak he kemh in a rakhruai hmasatu hna (Gatholic, a silole Lutheran, a silole Krifa remhthantu pawl ah a tel lomi an si. Mennonite tiah ruah ahcun tihnung dirhmun ah a rak ummi an rak si. Zei caah tiah an nih hi a rakthawk hmasatu hna chankhat chung ah khan hremnak a tuar ngaingaimi krifa bu an rak si.



1683


Cu caah William Penn nih thinlung nuam te le hngangam tein pathian an biak khawhnak hnga tiah! Pennsylvaniah ah a auh hna i a hmasabik a rak i thialtu Mennonite pawl kha an rak si. A hungzulhmi thip ahcun America ram chung hmun kaupi Midwest ah khan a rak i thial tu hna cu Germany ram Krifabu chung in a ummi Mennonite pawl kha an rak si.

1786


Cu hnuah American cozah uknak thlen hnu ah khan atu tiang thlanglei Ontario le Canada ah daite in umdingah Ahmasabik Pennsylvania in a rak i thialtu hna cu Mennonite pawl hi an rak si ve.


1800s-1900s


Cu hnu deuhah Canadian Prairies le United States i hmun kaupi an ti mi hna ah khan Europe ram a laifang le Nichuahlei in an rak i thial than hna.



1914-1945


An nih hi a voihnihnak vuleicung ral ah tel duh loin daite in umkha a duhdeuhmi hna an si. Ral dohdingah Duh zongah duh lozongah cozoh nih ralkap lut an hnek hna tikah a duhlomi Mennonite mino cheukhat cu thawngthlak hna an tuar. Hi vuleicung voihnihnak raldohnak kongkau ah, chiathathleidan bu tein duhthimmi riantuan pekding a si ko nain cozah nih ralkap lut an hnek ruangah Mennonite mi no thawngtampi cu thinlung imah ti loin Sizung tampi a phanmi an um.




1950-2000

Aliamciami kum 50 hrawng ah khan Mennonites thawngtampi cu an mah lungthote in Mibupi bomh krifa rian si tiah an i fiang caah vanchiat rawkral phansual tikah khuachung ah a rawkmi thil vialte timhcaim mam te in a thianhtu le ngandamnak he pehtlaihmi rian ah teimak riantuantu hna an si. Hi bantuk in an nunphung bang an tuannak cu mibupi hi zei dah an herh ti kha biatuk te in an nunnak nih a tep caah a si.


Today


Khualipi ah mi an hungtam deuhdeuh tikah hmunthur an hung tam i a thu a nam tikah zawtnak thalo tampi a hung chuak, Meitlang hna puak, Lihna a hnin, thlichia hna a hran tik ah inn le lo, lam le sul a hrawkmi vialte a thianghlim hmasami pawl cu Mennonite krifa a zuammi bu hi an rak si hma bik. Zei caah tiah krifa rian cu misifah bomh le mibupi harnak an tontik ah chanhtu rian cu krifa pumpek rian a si tiah an i fiang caah an zumhning langternak kha a rak si.Krifa bu hmutinhmi bantuk in mibupi le an herhmi caah nunphung cawh pumpek in rian an tuannak cu, zumhnak hi tuannak ah langterding a si timi Bible kha an dirpi caah a rak si.